قصيدة يالرضا اشتاكينا .... حصري بمناسبة العيد المبارك

أشتاكينا..أشتاكينا
يالرضا أشتاكينا
أشتاكينا..أشتاكينا
هواي ألك حنينا
كون مرقد آبني لك وسط الكلب
حتى ما أطلع أذا يمك أطب
أشتاكينا..أشتاكينا
هجرك يجوينا
هجرك يجوينا
.................
ما نسيتك دوم أطوفك سيدي رغم البعد
كلبي وي سرب الحمام كل مسا يزور ويرد
كون يمي تعاين أشسوه العشك
شمعه يخلص عمري لمن أحترك
هجرك يجوينا
يالرضا أشتاكينا
...................
ضايع وحاير بدونك وين أروحآ كلي وين
تكسر الخاطر دمعتي لو خنك روحي الحنين
يا دوه يطيب جرح فركه الحبيب
الورده لو جرحوهه تذبل ما تطيب
هجرك يجوينا
يالرضا أشتاكينا
.......................
تدري لو يقسملي ربي صدفه آو بيك ألتقي
يمكن بكد العراق تصير يمك فرحتي
بكلبي نتلاكه بفرح بعد الهجر
يمك أحجي آشسوه بسنين العمر
بكلبي نتلاكه بفرح بعد الهجر
يمك أحجي آشسوه بسنيني الصبر
هجرك يجوينا
يالرضا أشتاكينا
........................
يا عشك كلبي ولهيبه عيونه عطشانه لضواك
عاشك وحبك مصيبه وذايب بنسمة هواك
يا حبيبي عيوني دم تبجي عليك
كلبي طير بكل وكت مغرب يجيك
هجرك يجوينا
يالرضا أشتاكينا..
.........................
كلمات الشاعر الحسيني
رعد الدراجي
أداء المنشد
علي سدخان

التوزيع والهندسة الصوتية
حسنين العلي
التسجل الصوتي
ستوديو العلي/العراق

التحميل من هنا
[ندعوك للتسجيل في المنتدى أو التعريف بنفسك لمعاينة هذا الرابط]

كل الشكر والتقدير
على هذه القصيدة الجميلة
والجهد المبذول
من مهندسنا الرائع المبدع
حسنين العلي
وفقكم الله لكل خير
بحق محمد وآل محمد
عليهم افضل الصلاة والسلام.