قصيدة يابالفضل .....بمناسبة العيد المبارك

يا أبا الفضل
كلبك ترف مثل الورد
يا أبا الفضل
الحب ندى والحق برد
يا أبا الفضل
.......................
يم كلبك ينام الفراش أعله الدفو
يشتم عبيره ويغفه بحضانه عمر
حب الحسين النسمه وأنفاسك أجو
يمهه وتنفسهه الكلب من الصغر
حب الحسين يدور شفته بريتك
أي مثل ما درت الفرات بجربتك
..........................
بستانه حيدر كلبك وراوي علي
غيرة و وفاء ومرجلة وطيبه وعزم
غيرك يبو فاضل سند لا ما ألي
أغفة عمر لو حبك تعنه حلم
لا ما أمل حبك يمن غيرك أمل
لو جبل حبك ما أحسآ بالحمل
...........................
يمك تصير دموعي غيمه وتنجفي
وعيوني أمدها لحضرتك كبل الجسم
نظراتي تحضن حضرتك ما تكتفي
يمك تظل تحجي ألذي ما ينكتم
شوكي ولهفتي وصفنتي وسهر الجفن
بارد حضنها ونخوتك أول حضن
.............................
أدخل حضرتك وطلع وصار الكلب
يخفك مثل جنح الحمامه من البعد
آيحس تصيح أرجعلي في نص الدرب
ويكلي لو ماترجع لوحدي أرد
أرجع وطب وأطلع وأرجع وطب
مو بيدي لكن هذا ليريده الكلب
........................
كلمات الشاعر الحسيني
سيد حيدر النوري
أداء المنشد
مصطفى أللامي
التوزيع والهندسة الصوتية
حسنين العلي
التسجل الصوتي
ستوديو العلي/ العراق
التحميل من هنا


[ندعوك للتسجيل في المنتدى أو التعريف بنفسك لمعاينة هذا الرابط]

كل الشكر والتقدير
على هذه القصيدة الجميلة
والجهد المبذول
من مهندسنا الرائع المبدع
حسنين العلي
وفقكم الله لكل خير
بحق محمد وآل محمد
عليهم افضل الصلاة والسلام.